A GUARDA

OS INFORMES DE SECRETARÍA RATIFICAN A  VERACIDADE DAS DENUNCIAS FEITAS  POLO BNG SOBRE O TREN TURÍSTICO   

Anxo Baz: “É moi grave que o alcalde da Guarda siga sen explicar a onde foron parar os cartos cobrados irregularmente no tren turístico e cal é a cantidade”  

Anxo Lois Baz Vicente, portavoz municipal do BNG no Concello de A Guarda, amosando o informe da secretaría do Concello de A Guarda 

Infogauda / A Guarda

 O grupo municipal do BNG no Concello de A Guarda, vén de emitir unha nota de prensa na que indica o seguinte:

 O informe da secretaría do Concello da Guarda vén corroborar a veracidade  das denuncias feitas públicas polo BNG nos últimos meses sobre  o proceso de contratación  irregular do tren turístico na Guarda.  

 O mencionado informe aclárase que para a contratación do tren turístico  “debería existir un estudo económico, a determinación e aprobación dos prezos correspondentes, e tramitarse o contrato coa oportuna licitación pública”.  

 O portavoz municipal do BNG na Guarda manifestou: “o alcalde, Roberto Carrero, saltou todos os trámites legais pertinentes para levar adiante unha  contratación; pagou 15.000€ con fondos públicos a empresa que fixo o servizo; obviou os requerimentos aos que fai referencia o informe de secretaría; cobrou irregularmente aos usuarios e o que aínda é peor, oculta a contía dos cobros irregulares e a onde  foron parar eses cartos. É moi grave que o alcalde continúe sen dar explicacións”.