SOCIEDADE

DÍA MUNDIAL EN LEMBRANZA DAS VITIMAS DA VIOLENCIA VIAL

Domingo 17 de novembro de 2024

MANIFESTO de STOP ACCIDENTES  

17 de novembro de 2024

 Toda a nosa solidariedade coas familias das vítimas da traxedia humana provocada pola catástrofe ocorrida na provincia de Valencia. 

 Unidos con todos os países do mundo, como nos indica Nacións Unidas, e en especial cos países amigos que conforman a Asociación Iberoamericana de Vítimas contra a violencia viaria FICVI, conmemoramos o DÍA MUNDIAL en recordo de todas as vítimas da violencia viaria. 

 Lembramos aos nosos seres queridos sempre presentes na nosa memoria e nos nosos actos. Sen esquecer que detrás de cada violencia viaria están as persoas que sofren en silencio a ausencia do seu ser querido, así como as persoas feridas graves para sempre e as súas familias. 

 Facemos un chamamento á solidariedade de toda a sociedade e a quen nos goberna para que nos acompañen, non só no día de hoxe, senón na toma de decisións para eliminar a delincuencia viaria e os comportamentos violentos no tráfico. Reducir ao 50% a mortalidade no tráfico en 2030 é un mandato dos ODS dun, do 2º Decenio de Acción pola Seguridade viaria e forma parte das Estratexias 2030 da DXT. É un imperativo moral dos gobernos que por desgraza non imos poder cumprir. 

STOP Accidentes considera urxente prestar unha atención integral ás vítimas de tráfico cunha escoita activa para orientar ás vítimas e as súas familias cunha información e orientación eficaz dos dereitos e servizos que lle corresponden. Estamos na espera da próxima posta en marcha dun número de teléfono que preste asistencia ás vítimas. 

STOP Accidentes esixe un Pacto de Estado pola seguridade viaria co amplo consenso do Parlamento da Nación para modificar leis en beneficio da vida. 

STOP Accidentes pide aos lexisladores suprimir a palabra IMPRUDENTE no Código penal cando se refire a un homicidio no tráfico porque se se comete un delito faio a propósito do dano que vai causar. NON É UN HOMICIDIO “IMPRUDENTE” É UN HOMICIDIO VIARIO. Así mesmo pedimos xulgados especializados en tráfico. 

STOP Accidentes pide a complicidade dos medios de comunicación para comunicar con rigor e profesionalidade as mensaxes de seguridade viaria á sociedade. Se informa, forman.

 Temos o inescusable compromiso de traballar xuntos para lograr que ninguén máis teña que sufrir a dor desta pandemia, que se pode evitar. É responsabilidade dos gobernos e de todos os actores implicados na seguridade viaria cumprir cos compromisos adquiridos a nivel mundial e transformar as palabras en actos. 

 Porque son proxectos de vida truncados, sorrisos e alegrías que quedaron rotas para sempre, os colectivos de vítimas necesitamos apoio máis aló das emerxencias, falamos de cando sentimos dor, soidade, silencios, ausencia, impotencia, rabia, indignación, desamparo, impunidade, inxustiza, desesperación, angustia, depresión, todo iso que chaman “ser vítima”. 

 Porque ser vítima non se supera, só apréndese a vivir de novo. 

 Pedímoslles acompáñennos en 1 MINUTO DE SILENCIO EN HOMENAXE AOS NOSOS SERES QUERIDOS, VICTIMAS INOCENTES DA VIOLENCIA VIARIA.