A Guarda organiza unha xornada de eliminación da especie invasora “uña de gato”
• Para este domingo día 13 de outubro, ás 10:30 horas na Atalaia
Infogauda / A Guarda
O departamento de Medio Ambiente do Concello de A Guarda organiza para este domingo día 13 de outubro, unha xornada de eliminación da especie invasora “uña de gato” (Carpobrotus edulis).
A actividade comezará ás 10:30 horas na Atalaia e terá unha duración de dúas horas. Recoméndase traer roupa axeitada á meteoroloxía e á actividade. Para inscribirse, as persoas que desexen participar poden facelo a través do correo electrónico medioambiente@aguarda.es ou a través do teléfono 676 67 48 37.
A uña de gato, chamada así coloquialmente, esténdese formando tapices homoxéneos que impiden o desenvolvemento das especies autóctonas e altera o ciclo de nutrientes.
Un aspecto curioso desta planta é o proceso coñecido como competencia polínica: produce tanto pole, que atrae e monopoliza a moitos polinizadores que deixan de desempeñar o seu rol ecolóxico coas especies autóctonas.
Ningún comentario:
Publicar un comentario