A GUARDA

A ASOCIACIÓN NATURALISTA "BAIXO MIÑO" (ANABAM) PUBLICOU O BOLETÍN "CARRIZAL", Nº 22 - ÉPOCA II 

Portada do "Carrizal" nº 22 - Época II

Ricardo Rodríguez Vicente / A Guarda

 Como xa indicamos con anterioridade, a Asociación Naturalista "Baixo Miño" (ANABAM), publicou os boletíns "Carrizal", correspondentes aos seis bimestres de 2023 e o primeiro bimestre de 2024. 

 Dado que xa publicamos sendas recensións dos números 17, 18, 19, 20 e 21 do "Carrizal" - Época II, hoxe imos referirnos ao contido do nº 22, correspondente a novembro/decembro de 2023, que na súa portada leva a fotografía - da autoría do fotógrafo naturalista Luis Dorado Senra, de Fornelos (O Rosal) -, dun exemplar de froitos de Hedera helix, ou hedra común, que é unha especie orixinaria dos bosques húmidos do oeste, o centro e o sur de Europa, norte de África e Asia, desde a India ata Xapón

 Nas páxinas interiores, ademais de figurar a composición da xunta directiva de ANABAM; datos de contacto coa asociación; importes das cotas de socios/as, etc., vemos os seguintes traballos: 

• Aniñamento de gaivotas na vila da Guarda, por  Agustín Ferreira Lorenzo.

• Crónica dunha xeira entomolóxica polo monte Aloia, por José Rodrigo Dapena.

• Estudo dos anfibios presentes na Serra da Groba, por María Comesaña, Laura Díaz, Jonás Fernández e Julia González.

•  Colaboración cidadá.

• Cousas de ANABAM:

 - Proxecto Larus: primeiros pitos da tempada 2023.

 - Varamento dun arroaz na costa da Guarda.

 - Honckenya peploides: hai esperanza.

 - Programa I´Am Nature "Acerca do Minho".

 - Concello da Guarda: parcela de axuda aos insectos.

 - ANABAM: protección de Honckenya peploides

- ANABAM: limpeza do areal de Camposancos.

- Conta atrás para poñer en marcha outros dos proxectos máis ambiciosos. 

- Tinteiro Aplysia punctata.

- ANABAM envía a nova instancia á nova corporación da Guardesa (sic) por incumprimento da Lei nas últimas dúas lexislaturas.   

- ANABAM recibe unha subvención do Concello da Guarda.

• Apuntes da nosa historia: Centro de interpretación da natureza. O que puido ser e non foi.

 Tamén figura un resumo das actividades previstas para novembro/decembro 2023. 

 Como se indica nesta interesante publicación, impresa en papel reciclado, e que os socios de ANABAM reciben de balde; este número do boletín "Carrizal" está parcialmente subvencionado polo Concello de A Guarda.

 En vindeiras datas iremos informando doutros números do Carrizal publicados por ANABAM.