GONDOMAR

O IEM PRESENTARÁ DOUS ACTOS ESTA SEMANA 

O XOVES, 11 LOS MÁRGENES: LA ESENCIA DE LA EDUCACIÓN, E O VENRES, 12  “JOAQUÍN VAAMONDE CORNIDE”

IEM / Gondomar

 En primeiro lugar, este xoves 11 de abril ás 20h no local do IEM, teremos a José Enrique Abalo Quintela que presentará o seu libro “Los márgenes: la esencia de la educación”. O acto será presentado por Eladio Ferro.  

 O libro, na súa primeira parte, é unha reflexión sobre o papel de control que exercen sobre os centros educativos os gobernos de turno, o mercado, os corpos docentes e outros poderes menos visibles. O que está a provocar que en lugar de buscar, como gran obxectivo das escolas, a formación dun alumnado libre e crítico, se configuren como persoas submisas e neutras. 

 Ao longo do texto analízanse os factores dos que dependen as opcións anteriores, e desentráñanse os finos fíos que vinculan os centros educativos aos intereses económicos e políticos que os xestionan.  

 No ensaio, cun estilo claro e directo, proponse unha “deconstrución” da escola, analizando aspectos como certas crenzas presentes nos patróns de pensamento do profesorado ou o nivel de autonomía das comunidades escolares para decidir o  para que? e o que ensinar?  

 Así mesmo, na segunda parte do libro propóñense diferentes posibilidades para afastarse das políticas partidarias e de mercado que restrinxen a escola; e sinálanse unha variedade de transformacións que os centros escolares deben poñer en funcionamente para responden á pregunta:  

 Que cambios son necesarios para que os centros educativos sexan controlados por quen vive neles?  Xoves 11 de abril, 20:00h. Aula de Cultura “Ponte de Rosas”, Avda. da Feira, 10.  

 E, para rematar a semana, o venres 12 de abril ás 20h, no local do IEM,  teremos a Perfecto Ramos  na presentación do seu libro “Joaquín Vaamonde Cornide. Un pintor galego con éxitointernacional a finais do século XIX”. O acto será presentado por Carlos Méixome.  

Sinopse do libro

 Se foi o pintor galego de máis fama fóra de Galicia; o preferido das elites de Paraguay, Guatemala, Arxentina, e moitas de París e Londres; o retratista de toda a aristocracia, nobreza e realeza da corte madrileña; protagonista dunha das novelas de Emilia Pardo Bazán; que a súa vida non chegou aos trinta anos; e que hoxe case que ninguén sabe quen foi Joaquín Vaamonde Cornide, ben merece que revivamos a súa historia. O venres en Gondomar hai unha boa oportunidade.   

Venres 12 de abril, ás 20:00h, na Aula de Cultura “Ponte de Rosas”, Avda. da Feira, 10.