A GUARDA

A ASOCIACIÓN NATURALISTA "BAIXO MIÑO" (ANABAM) PUBLICOU NOVOS NÚMEROS DO BOLETÍN "CARRIZAL"

• Correspondentes aos seis bimestres de 2023 e o primeiro de 2024

Portada do "Carrizal", nº 17, correspondente ao bimestre xaneiro/febreiro de 2023

Ricardo Rodríguez Vicente / A Guarda

 De mans de Agustín Ferreira Lorenzo, presidente e membro cofundador da Asociación Naturalista "Baixo Miño" (ANABAM), vimos de recibir os exemplares do boletín "Carrizal", correspondentes aos seis bimestres de 2023 e o primero bimestre de 2024. 

 Ao tempo que deixamos constancia dese feito, agradecemos públicamente o agasallo do coordinador e editor da publicación, e como en ocasións precedentes, iremos dando conta dunha reseña dos respectivos contidos dos correspondentes números do devandito boletín. 

 Hoxe comezamos co nº 17 (Época II), correspondente a xaneiro/febreiro de 2023, en cuxa portada figura unha fotografía dun exemplar de Empusa pennata, da autoría de Luís Dorado Senra. A empusa ou mantis pau,  é unha especie de insecto mantodeo da familia Empusidae caracterizada polo seu aspecto de pau e a súa inconfundible crista na cabeza.

 Nas páxinas interiores, ademais de figurar a composición da xunta directiva de ANABAM; datos de contacto coa asociación; importes das cotas de socios/as, etc., vemos os seguintes traballos:

• Flora dunar das praias o norte portugués, de Damián Balsa Regueiro.

• Censo de anduriña dáurica (Cecrepois daurica), no concello de Tui, de Raquel Alonso Rodríguez e Javier Nieto Iglesias.

• O topónimo "A Sangriña", de José Luis Lomba Alonso.

• Avespas escavadoras na praia de Camposancos, de Paula Varela Cabaleiro e Jacobo A. García Gutiérrez.

• Projecto Borrelho 2022 nas praias do norte de Portugal, de Alba Pereira Méndez.

• Fototrampeo no Baixo Miño, de Pedro Vicente Bautista.

• Apuntes da nosa historia: O Amial do Arâo.

 Tamén figura un resumo das actividades realizadas en novembro/decembro de 2022.

 Como se indica nesta amena e coidada publicación, impresa en papel reciclado, e que os socios de ANABAM reciben de balde; "Carrizal" conta cunha subvención económica do Concello de A Guarda.