OIA

"Enerxías renovables. A eólica en Galicia. Realidade e futuro” 

Este sábado 9 de setembro, ás 10.30 horas na Casa Forestal de Valdarca (Santa María de Oia)

Plataforma Turonio / Oia

 A Plataforma Turonio organiza este sábado 9 de setembro a xornada "Enerxías renovables. A eólica en Galicia. Realidade e futuro”, a cal se desenvolverá na Casa Forestal de Santa María de Oia con programación en horario de mañá e de tarde.  

 A iniciativa concíbese como unha xornada de intercambio de experiencias e de reafirmación nas posicións en contra do proceso de depredación eólica que está a vivir Galicia. A través de diferentes intervencións e mesas redondas, persoas vinculadas ao mundo da investigación, o asociacionismo e o activismo ambiental e cultural compartirán as súas achegas.  

 A xornada comezará ás 10.30 horas na Casa Forestal de Valdarca (Santa María de Oia)* e a asistencia é libre e de balde. A programación inclúe a celebración dun xantar comunal, para o que cada persoa asistente deberá levar a súa propia comida e bebida.   

*Coordenadas da Casa Forestal: GPS: 41.9993 N, -8.8559 O (41º59'57" N, 8º51'21" O).   

DETALLE DO PROGRAMA:  

• 10.30h. BENVIDA E PRESENTACIÓN DA XORNADA 

-Xosé A. Rodríguez, "Xúster" (Plataforma Turonio e presidente da comunidade de montes de Oia)  

• 11.00h. SESIÓNS DA MAÑÁ 

-"POR UN NOVO MODELO ECONÓMICO, ENERXÉTICO E SOCIAL". Juan Hermida (IEM).  

-"NOVO PARADIGMA NO ESTUDO DE PROXECTOS EÓLICOS". Bruno Centelles (Rede Galega Stop Eólicos, IEM, SOS Groba).  

-"O PLAN SECTORIAL EÓLICO DE GALICIA (PSEG). MARCO ADMINISTRATIVO-XURÍDICO". Ana Varela (Asociación Petón do Lobo).  

-12.30 Pausa/descanso.  

-"ECONOMÍA DAS ENERXÍAS RENOVÁBEIS. DOS EFECTOS INDIRECTOS Á PARTICIPACIÓN COMUNITARIA". Xavier Simón (director do Observatorio Eólico de Galicia, OEGA).  

-"MOBILIZACIÓN CIDADÁ. DO ASOCIACIONISMO LOCAL AO TRABALLO COOPERATIVO ". Aranza González (Plataforma Aire Limpo As Mariñas - Mandeo)  

• 14.00h. XANTAR COMUNAL.   

• 16.00h. SESIÓNS DA TARDE 

-"DO IRIBIO AO ACIBAL. REPÍTESE A HISTORIA". Nery Díaz (Ecoloxistas en Acción Galiza “Atlántica e Verde”).  

-"A EÓLICA MARIÑA EN GALICIA: PRESENTE E FUTURO". Torcuato Teixeira (Plataforma en Defensa da Pesca e dos Ecosistemas Mariños).  

- Mesa redonda e debate. 

• 18.00h. CLAUSURA DA XORNADA. 

-Xosé Lois Vilar (SOS Groba e IEM).