CAMPOSANCOS (A GUARDA)

ENCONTRO DE AGRADECEMENTO

CANTARES DO BRUEIRO  COA COMUNIDADE DE MONTES VECIÑAIS EN MAN COMÚN DE CAMPOSANCOS

Mércores 19 de xullo, ás 20.30 horas, no eirado da Casa de Montes

 

Tino Baz Baz / Camposancos

 O mércores 19 de xullo, ás 20:30 horas, na Casa da Comunidade de Montes de Camposancos, imos agasallarvos cunha afectiva xuntanza a toda a veciñanza que soubo dar apoio a esta nosa experiencia colectiva de "Cantares do Brueiro". Nela, dun xeito especial, queremos dar as grazas á xunta reitora da Comunidade de Montes Veciñais en Man Común de Camposancos, por concedernos ese marabilloso espazo onde desde xaneiro do 2014, se desenvolven as nosas aulas. Merecentes do noso total agradecemento, este lugar posibilita que cada martes, desde vai facer dez anos, brote este comprometido labor coa Cultura de noso, na que lle rendemos culto á arte vocal impregnada de memoria musical de carácter colectivo e popular. 

 Será un breve concerto, ubicado no período estival, para a primeiros de outubro retomar o curso novamente, e na órbita da ilusión, preparar novos proxectos cara o vindeiro ano. 

 Estades convidados e alí agardamos a vosa presenza.