A GUARDA

DE LECTORAS A AMIGAS

Un obradoiro de encontro con lectoras organizado pola Asociación Raiceiras - Acción Rural   

Uxo Pousa / A Guarda

 A Asociación Raiceiras - Acción Rural realizará un obradoiro de encontro con lectoras "De lectoras a amigas", un espazo onde se compartirán relatos e vivencias persoais a través de distintas lecturas, xogos e actividades participativas relacionadas coa literatura.  

 A actividade iniciarase o vindeiro 6 de setembro e desenvolverase tódolos mércores, de 17:00 a 19:30, na sede social da asociación situada na Avenida de San Lourenzo s/nº, Antiga Escola Unitaria.  

A actividade está dirixida principalmente a mulleres aínda que se quedan prazas libres poden anotarse outras persoas.  

 Para inscribirse, as persoas interesadas deberán contactar coa asociación no número 644 696 925 (chamadas e whatsapp), a través do correo electrónico info@raiceiras.org ou a través das súas redes sociais.  

 Esta actividade está promovida pola Deputación de Pontevedra a través do programa "Conectadas 2023".