O concello de A Guarda elixíu Sanxenxo para a presentación da XXXI Festa da Lagosta e da Cociña Mariñeira
• A Rosa dos Ventos, do Paseo de Silgar converteuse esta mañá nun punto de degustación do crustáceo en distintas elaboracións.
Infogauda / A Guarda
Así como noutras edicións precedentes foron Póvoa de Varzim, Allariz e Santiago de Compostela, entre outras localidades, nesta ocasión o Goberno municipal do concello de A Guarda elexíu Sanxenxo para a presentación da XXXI Festa da Lagosta e da Cociña Mariñeira que se celebrará desde este venres e ata o domingo 2 de xullo na Guarda.
A Rosa dos Ventos, no Paseo de Silgar serviu como escaparate e punto de degustación do crustáceo en distintas elaboracións. Toda unha pequena demostración gastronómica do que poderán atoparse as persoas que acudan esta fin de semana á Guarda.
A presentación xerou unha gran expectación de público que se congregou na zona para poder probar a ampla mostra de productos, que poderanse degustar no porto de A Guarda: lagosta, lagostinos, camaróns, zamburiñas, luras, nécoras, gambas, berberechos, polbo, mexillóns, vieiras, empanada,..., e rosca de xemas de A Guarda, acompañado dunha copa de albariño.
Unha representación dos hostaleiros de A Guarda foi a encargada das elaboracións dos manxares do mar, así como da súa presentación. O alcalde de A Guarda, Roberto José Álvarez Carrero, agradeceulles o seu labor. "Sen eles isto non sería posible", asegurou.
O encargado de explicar a importancia da cita gastronómica que terá lugar esta fin de semana no porto guardés foi o concelleiro, Fernando Reyes González.
A Festa da Lagosta e da Cociña Mariñeira é, ademais dun evento gastronómico - Festa de Interese Turístico de Galicia -, unha importante cita cultural. Isto é así xa que, ademais de poder degustar os diferentes pratos, os visitantes terán oportunidade de gozar dunha variada oferta de entretemento con motivo da festa. Nesa vocación de festa familiar e para todos os públicos, contarase con diferentes actuacións e actividades, tanto para os maiores como para os máis pequenos, de maneira que a diversión está garantida.
Nesta edición son catro os restaurantes locais os que participan, con especialidades propias e tamén coas que segue sendo a raíña da festa, a lagosta cocida ou á prancha. A sobremesa que acompaña a lagosta desde a primeira edición da festa, non é outra que a rosca de xemas de A Guarda. Unha sobremesa típica guardesa, creada en 1953 por Manuel Alonso González, un profesional pasteleiro guardés. Asemade, tamén haberá outras sobremesas caseiras e tradicionais como son as filloas, tortas...
O alcalde de Sanxenxo, Telmo Martín González, acompañado da concelleira de Festas e Eventos, Elena Torres Aguin, e do concelleiro de Turismo, Juan Deza, destacou a importancia de "aproveitar as sinerxias" que xeran estas colaboracións entre concellos. "Galicia é unha cidade única e debemos promocionar toda a nosa riqueza paisaxística e gastronómica", indicou. Ademais, lembrou que durante o verán "o noso municipio é líder no norte de España en pernoitas polo que estamos encantados de que se faga aquí en Sanxenxo esta presentación e que moitos dos visitantes que xa están aquí veraneando se acheguen esta fin de semana A Guarda".
Ningún comentario:
Publicar un comentario