O Concello de Oia renovará o céspede e porterías do campo de fútbol das Tornas
Infogauda / Oia
O Concello de Oia continúa coas accións de mellora das instalacións do campo de fútbol das Tornas (Santa María de Oia) que vén realizando nos últimos anos a fin de garantir as boas condicións do terreo de xogo e equipamentos. Neste caso, acometerase a renovación do céspede e das dúas porterías, por chegar á fin da súa vida útil.
A actuación supón un investimento total de de 258.783,58 euros (IVE incluído) nesta infraestrutura deportiva municipal. Deste total, o Concello ten solicitado 236.350,86 euros de financiamento a través do Plan Concellos da Deputación de Pontevedra.
Asemade, a actuación incluirá a retirada do material actual e a axeitada xestión do residuo xerado, a nivelación e regularización do terreo, a colocación de novo céspede con selo FIFA Preferred e a renovación das dúas porterías. O estimado prazo de execución das obras será de 3 meses.
Ningún comentario:
Publicar un comentario