A unidade móbil de doazóns de sangue visitará A Guarda á vindeira semana
• O venres día 10 de marzo, de 16:15 ás 21:00 horas, e o sábado día 11, de 10:15 a 14:30h.
Infogauda / A Guarda
A unidade móbil de doazóns de sangue visitará A Guarda á vindeira semana. Estará emprazada na rúa Rosalía de Castro (diante do Centro Cultural), o venres día 10 de marzo, de 16:15 ás 21:00 horas, e o sábado día 11, de 10:15 a 14:30h.
Grazas ao emprego destas unidades móbiles, o Centro de Transfusión de Galicia intenta facilitar a todos os cidadáns o solidario xesto de doar sangue. Sen a implicación de todos é imposible acadar as 500 doazóns de sangue que cada día se precisan nos hospitais galegos.
Para doar sangue hai que almorzar, e acudimos a unidade móbil despois de xantar, debemos agardar 2 horas.
Non debemos esquecer levar a tarxeta de doazón, DNI ou documento similar.
Asemade, debemos informar ao médico se estamos a tomar algún medicamento.
Para doar, é desexable solicitar cita chamando ao telefono gratuíto 900 100 828.
Galicia necesita aumentar as reservas de sangue dos grupos A Positivo e 0 Negativo e solicítase a solidariedade da cidadanía
• Os grupos sanguíneos A Positivo e 0 Negativo amosan niveis baixos, polo que é preciso reforzar o permanente chamamento á colaboración nas campañas de doazón de sangue
A Axencia de Doazón de Órganos e Sangue (ADOS), realizaun chamamento xeneralizado á participación da poboación galega na doazón de sanguee, de maneira especial,aos doantes dos grupos A Positivo e 0 Negativo. As reservas destes grupos presentan niveis baixos,polo que é preciso reforzar o permanente chamamento á participación nas campañas de doazón que realiza a Consellería de Sanidade por mediación de ADOS. Cómpre lembrar que os hospitais de Galicia necesitan entre 400 e 500 diarias para desenvolver de maneira eficazo seu gran labor asistencial
En moitas das tarefas que se realizan a diario nos centros sanitarios de Galicia son imprescindibles os compoñentes sanguíneos. En determinadas épocas do ano pode baixar o número de doazóns, como nas pasadas Festas doEntroido, pero non acontece o mesmo coa demanda de sangue e os seus derivados que precisan os hospitais. Por iso, é imprescindible a xenerosidade e altruísmo de todos os cidadáns, polo que ADOS solicitaun esforzo especial para incrementar as reservas de sangue.
Ademais, as distintas unidades móbiles da Axencia de Doazón de Órganos e Sangue visitarán nestes días diferentes concellos galegos para conseguir as doazóns precisas que garantan o desenvolvemento asistencial dos distintos centros sanitarios de Galicia.
ADOS espera contar de novo coa solidariedade da cidadanía galega nos seguintes desprazamentos:
.jpeg)
Ningún comentario:
Publicar un comentario