CAMPOSANCOS (A GUARDA)

O APALPADOR E A APALPADORA CHEGARÁN A CAMPOSANCOS

O venres día 23 de decembro, ás 17:00 horas, na praza de San Amaro

Infogauda / Camposancos

  Este venres, 23 de decembro chegarán a Camposancos, o Apalpador e a Apalpadora. 

 Desde a Entidade Local Menor de Camposancos informan que a tarde comezará,  como todos os anos, con un pasacalles desde a Granxa Nova, amenizado polo grupo "Do Lusco ó Fusco". A continuación percorrerá as rúas tocando para aparecer xunto co Apalpador e Apalpadora ás 17:00 h., no terreiro de San Amaro. Alí ofrecerán a súa actuación con cantos e bailes e como é tradición desde fai 3 anos, continuarán co pasacalles pola Devesa, Fonte da Poza e barrio do Couto, para rematar a festa no Palomar. Alí haberá doces, galletas e chocolate quentiño e volverá actuar "Do Lusco ó Fusco", 

 Desde a Entidade Local Menor de Camposancos, convidan a que "pequenos e maiores pidámoslle ao Apalpador os nosos desexos e desfrutemos deste Nadal. 

 Vamos a por todas! 

 Este venres 23 promete!"