TOMIÑO

A música latina, gran protagonista do concerto de Santa Icía da Agrupación Musical de Goián 

• A tradicional cita será este sábado 19 novembro ás 19.30 horas no auditorio baixo a batuta de Pedro Villarroel 

Infogauda / Tomiño

 Tomiño celebra o día da patroa da música por todo o alto. A Agrupación Musical de Goián subirase ao escenario este sábado 19 de novembro ás 19.30 horas para representar o seu tradicional concerto de Santa Icía, unha actuación que contará coa participación dos e das integrantes da propia agrupación así como da súa banda xuvenil baixo a batuta de Pedro Villarroel. 

 O auditorio de Goián acollerá un ano máis unha actuación moi agardada e festiva, unha cita co público na que a música latina será a gran protagonista. Un percorrido dende México ata Chile ou Arxentina a través de diferentes pezas musicais que representan o sentir de cada país e de cada territorio co que a Agrupación Musical de Goián volverá sorprender ao público. 

 A alcaldesa, Sandra González, anima a toda a veciñanza a achegarse ao auditorio e desfrutar un ano máis dun concerto único co que a Agrupación Musical namorará ao público. A actuación conta coa colaboración do Concello de Tomiño, así como da Deputación de Pontevedra e da Xunta de Galicia. A entrada será de balde.