A GUARDA

A Guarda festexa o Samaín 

• Do 27 ao 31 de outubro, a Biblioteca Pública Municipal  oferta “Facemos un trato? 

• Gran Festa de Samaín o luns día 31 de outubro na Praza do Reló con obradoiros e concerto 

Infogauda / A Guarda

 O Concello de A Guarda, a través da concellería de Cultura, organiza este ano diversas actividades para festexar o Samaín, verba que procede do gaélico 'Samhain', e que significa novembro.

 Por una banda a Biblioteca Pública Municipal oferta do 27 ao 31 de outubro a actividade “Facemos un trato” coa cal os usuarios deste servizo levarán un doce de agasallo ao facer un préstamo dun libro. 

 Para a xornada do luns día 31 de outubro, dende as 17:30h, a Praza do Reló será o epicentro das celebracións do Samaín, con obradoiros de tatuaxes terroríficas e  pintacaras; e a partires das 18:30h con música a cargo do grupo “Crónicas Pop”, con animación de baile para as/os máis pequenas/os. A fin de festa será sobre as 20:30h cunha Queimada de Defuntos e chocolate quente para todas/os. 

 Mª Montserrat Magallanes, concelleira de Cultura, convida a toda a poboación guardesa a participar nestas actividades dunha festividade que, ano a ano, se consolida nos nosos calendarios e que desfrutan, sobre todo, os máis pequenos/as da casa.