A GUARDA

A Guarda prepárase para acoller a II Mostra Creativa do Baixo Miño  

• Que terá lugar o sábado 30 de xullo na praza de Avelino Vicente  

• As inscricións, de balde, continúan abertas ata o día 28 de xullo

Infogauda / A Guarda  

 O Concello de A Guarda segue apostando polo emprendemento e por visibilizar a gran cantidade de marcas e talentos creativos que temos na nosa comarca, xa sexan de artesanía ou en formas máis modernas de expresión. Dese xeito, apoia a II Mostra Creativa do Baixo Miño que este ano contará este ano con preto dunha vintena de postos participantes. As inscricións, que son de balde, continúan abertas ata o vindeiro día 28 de xullo. 

 A programación deste ano inclúe actividades de todo tipo que terán lugar na Praza de Avelino Vicente en horario de 10:30 a 15:30h e de 18:30 a 22:30.

PROGRAMA

10:30h – Apertura da Mostra Creativa 

11:00h – Obradoiro infantil sobre o peixe espada (Asociación Piueiro) 

12:00h – Concerto Terapia de Grupo (Pop-Rock do Baixo Miño) 

13:30h – Pasacalles dende a Praza Avelino Vicente ata o Porto da Guarda 

19:00h – Contos Contados para público infantil (Ma Nunú) 

20:30h – Concerto Cazacús (Punk-Rock A Guarda) 

21:30h – Pasacalles dende a praza Avelino Vicente ata o porto de A Guarda 

22:30h – Peche da Mostra Creativa  

 Ata este momento xa confirmaron a súa asistencia a esta segunda edición as seguintes marcas e talentos creativos: Acontravento, Ada Negra, Ana de la Guerra, Coco, Eduar Clothing, La Casa Taller, Littlevero, Luc & Luc – Inma Losada, Mar Jewelrin, Marina San Miguel, Marron Glaçe, Matriz Galega, Sapone di Principessa, Silvia Pérez, Vargas Lemos, Vikensen,… 

 Este ano a Mostra creativa únese á Festa do Peixe Espada organizada por OR.PA.GU. (29-31 de xullo), compartindo parte da programación, como son os pasacalles ou a actividade do obradoiro infantil sobre o peixe espada. 

 Un dos obxectivos da iniciativa, que tivo a súa primeira edición no 2021, é acadar que a mostra se poda consolidar como un evento de referencia e con periodicidade anual onde facer visíbel o gran talento que temos no Baixo Miño. Por isto dende a organización e o Concello de A Guarda convidan a todas as persoas deseñadoras, marcas e artesáns da nosa comarca que desexen participar a que aproveiten os últimos días que restan de inscrición e cubran a ficha de inscrición e a envíen ao correo electrónico info@acontravento.gal   

Ficha de inscrición 

Bases