RUTA GUIADA “A GUARDA PORTO DE MAR”
SÁBADO 18 DE XUÑO, ÁS 11:30 NA CETARIA DE AGRELO
A.C. Xuliva / A Guarda
O vindeiro sábado 18 de xuño teremos a oportunidade de coñecer en profundidade a vinculación da Guarda co mundo do mar, nunha ruta que nos levará a coñecer diferentes dimensións desta relación tan estreita. As cetarias, o traballo das redeiras, as embarcacións tradicionais, a talasonimia ou as marcas mariñeiros son algúns dos aspectos sobre os que trataremos na ruta.
Esta actividade, organizada pola Asociación Xuliva, está enmarcada nos traballos do proxecto Atlantic Culture Scape - A Guarda, sendo a presentación oficial dunha das dúas rutas que prepararon sobre a cultura mariñeira da Guarda. No desenvolvemento desta actividade contamos coa colaboración de dúas asociacións locais especializadas no mundo do mar, a Asociación Piueiro e a Asociación Redeiras da Atalaia.
O punto de encontro será ás 11:30 horas, na Cetaria Agrelo e a duración estimada da ruta de 2:30h.
A inscrición é de balde, podendo facerse en xulivaguarda@gmail.com
Ademais, como aperitivo, o día anterior, o venres 17 de xuño, terá lugar a proxección da peza audiovisual Atalaia/Piuiero, de Xisela Franco. Será ás 22:30 no Centro Cultural da Guarda.
Ningún comentario:
Publicar un comentario