A GUARDA

CONCENTRACIÓN SORPRESA DAS PLATAFORMAS EN DEFENSA DA SANIDADE PÚBLICA 

NA VISITA AO CENTRO DE SAÚDE DA GUARDA DE CARGOS DE SANIDADE

Membros das Plataformas en defensa da sanidade Pública da Guarda e do Rosal concentráronse hoxe pola mañá, diante do centro de saúde da Guarda

Redacción / A Guarda

 Membros das Plataformas en defensa da sanidade Pública da Guarda e do Rosal concentráronse hoxe desde ás 8.30 horas da mañá, diante do centro de saúde da Guarda.   

 A esas horas decorría no Centro de saúde unha reunión entre traballador@s do Centro e cargos da Consellaría de Sanidade, entre eles o Xerente da Área sanitaria de Vigo, a Directora de Atención Primaria e a Directora de Enfermaría.   

 Portavoces das plataformas anuncian que pode desaparecer do PAC o segundo médico de urxencias, unha conquista da mobilización cidadá nos últimos meses.   

 Incidentes como os ocorridos na pasada semana no Rosal non lle sirven a Xunta de Galiza para tomar nota. De producirse a desaparición do segundo médico de urxencias, o problema sanitario nesta zona vaise ver moi agravado polo importante incremento de poboación que se produce nesta zona que atende o PAC da Guarda no verán.   

 As Plataformas en defensa da sanidade non están dispostas a soportar que minen aínda máis a calidade sanitaria que recibimos e de confirmarse os feitos chamaran novamente a toda a veciñanza a mobilizarse.