CAMPOSANCOS (A GUARDA)

CAMPOSANCOS ESTÁ VIVO

A auga chegará ao pico de San Francisco, no Monte Santa Trega

De esq. á der.: José Fernando Martínez Martínez (presidente da xunta reitora da Comunidade de Montes Veciñais en Man Común de Camposancos), Roberto José Álvarez Carrero (portavoz do Grupo Municipal do PP no Concello de A Guarda), e Mario Baró Pereira (vicepresidente da xunta reitora da Comunidade de Montes de Camposancos), no cumio do monte Santa Tega

José Fernando Martínez Martínez* / Camposancos

 Dende fai uns anos vimos traballando, primeiro cos responsables políticos do grupo de goberno municipal de A Guarda e dado que nos amosaron as súas reticencias decidimos apoiarnos no grupo da oposición PP para poder chegar a o departamento de Turismo da Xunta de Galicia. Roberto José Álvarez Carrero enseguida conseguiu que Nava Castro nos recibise, e despois de escoitarnos entendeu que era unha reivindicación xusta, que o segundo lugar mais visitado de Galicia non chegue a auga potable é tercermundista polo que prometeunos implicarse e buscar no posible unha solución. 

 Hoxe podemos anunciar que despois de moitas reunións conseguimos que a Xunta de Galicia concedese unha subvención de perto de  250.000€ a Comunidade de Montes de Camposancos (A Guarda). 

 Non quero nin podo silenciar que Roberto José Álvarez Carrero abriunos as portas de Nava Castro e de Alfonso Rueda que sendo vicepresidente da Xunta de Galicia se comprometeu a solucionar unha eiva que dende sempre penalizaba o monte Trega e que o Padroado Municipal Monte Santa Trega non soubo resolver. 

 Camposancos está vivo.

 * Presidente da xunta reitora da Comunidade de Montes Veciñais en Man Común de Camposancos