VIGO

Suspendida a protesta de Ilunion en Vigo pola parada de Stellantis

A concentración estaba prevista para este martes 22 ás 13:15 horas

Infogauda / Vigo

 O persoal de Ilunion Servicios Industriales Galicia, centro especial de emprego do grupo ONCE, decidiu suspender a mobilización diante de Stellantis en Vigo para reclamar un convenio de empresa xusto cuns salarios dignos. A concentración, coa que se lle pretendía dar continuidade á intensa campaña de protestas iniciada o ano pasado para denunciar a precariedade que padecen os traballadores/as nas compañías nas que desenvolven o seu labor, estaba prevista para este martes 22 de marzo ás 13:15 horas. Pero finalmente foi adiada porque a compañía da automoción decidiu prolongar a parada da actividade pola falta de subministros.