TOMIÑO

A AGRUPACIÓN SOCIALISTA DE TOMIÑO ELEXIU NOVA COMISIÓN EXECUTIVA LOCAL

Por aclamación da militancia presente

Integrantes da Agrupación Socialista de Tomiño que participaron na asemblea xeral extraordinaria

R. M. / Tomiño

 A Agrupación Socialista de Tomiño vén de celebrar asemblea xeral extraordinaria para elexir á nova comisión executiva local, na que contamos coa presenza de Fini Silva, secretaria da militancia do Comité do PSdeG-PSOE de Pontevedra.  

 A asemblea comezou cun rotundo rexeitamento dos socialistas tomiñeses á guerra, así como toda a solidariedade coas vítimas. 

 A nova dirección, integrada por oito membros, foi aprobada por aclamación dos e das militantes presentes.  

Violeta de Santiago Moure nun momento da súa intervención na asemblea

 As e os socialistas inician esta nova etapa baixo o liderado de Violeta de Santiago Moure, que seguirá asumindo as funcións de máxima representación e responsabilidade do Partido Socialista de Tomiño. 

 A número dous será Mirta Isabel Misa Misa, que asume as responsabilidades de Organización do Partido, Educación e Igualdade. 

 Así mesmo, formarán parte da nova executiva local: 

 Enrique Gándara Gómez, como Presidente de Honra. 

 Nandi de Santiago Moure será a nova responsable das áreas de Política Municipal, Cultura e Deporte. 

 Mario Fernando Pino Alonso asume a Secretaría de Acción electoral e Administración Financeira. 

 Jaime Cerviño Vilanova, na Secretaría de Acción Rural e ao mesmo tempo desempeñará as funcións de ser o representante de Tomiño no Comité Provincial de Pontevedra. 

 María do Carmen Argibay Rolán, na Secretaría de Xuventude. 

 Ana Isabel Silva Míguez, na Secretaría de Sanidade e Asuntos Sociais. 

 Coa renovación do órgano local, o PSdeG-PSOE de Tomiño encara o futuro con ilusión, optimismo e forza para seguir traballando a carón da veciñanza de todas e cada unha das parroquias do Concello, que tan esquecidas están polo Goberno do BNG.