Alumnado do colexio Manuel Rodríguez Sinde colabora cos comuneiros de Camposancos
Na loita contra as acacias invasoras no monte Santa Trega
Infogauda / Camposancos
A colaboración entre a Comunidade de Montes Veciñais en Man Común de Camposancos e os colexios da vila de A Guarda dá como resultado unha acción educativa e solidaria que leva por título xenérico "Semeando futuro".
Nesta ocasión, a actividade na que se implicou o alumnado do colexio Manuel Rodríguez Sinde consistiu na realización de labores de limpeza de brotes de acacias na zona de Chans, do monte Santa Trega.
"O pasado día 21, un feixe de alumnos e alumnas de 6º de educación primaria do colexio Manuel Rodríguez Sinde xunto co seu profesorado, acompañados por persoal da Comunidade de Montes, dedicaron unha parte da xornada de mañá a arrancar brotes de acacia, unha especie arbórea invasora e de difícil erradicación, que se atopa amplamente extendida nos terrenos propiedade da Comunidade. Durante a traballo, membros da Comunidade ofreceron auga e pezas de froita aos e as participantes", dixo José Fernando Martínez Martínez, presidente da xunta reitora da Comunidade de Montes Veciñais en Man Común de Camposancos.
"A Comunidade de Montes de Camposancos agradece a colaboración do alumnado do devandito colexio así como a boa disposición do seu profesorado para levar a cabo esta tarefa, que conleva ademáis un interese aducativo polo seu valor comunitario e de concienciación ambiental", concluçiu o portavoz dos comuneiros camposinos.
Ningún comentario:
Publicar un comentario