O Concello de Oia contratará 11 persoas ao abeiro do Plan Concellos
Convócase 1 praza de condutor de maquinaria forestal, 2 prazas de albanel e 8 de peón forestal
Infogauda / Oia
O Concello de Oia contratará a un total de 11 persoas desempregadas ao abeiro do Plan Concellos 2022 (liña de emprego) da Deputación de Pontevedra.
Os contratos terán unha duración de 6 meses e con dedicación a xornada completa. Os perfís que se solicitan son de condutor/operador de maquinaria forestal (1 praza), albanel/oficial de 1ª (2 prazas) e peón forestal (8 prazas).
Poderán beneficiarse desta iniciativa as persoas desempregadas inscritas na oficina de Emprego de Baiona, que fará a preselección de candidaturas. Posteriormente, o Concello se encargará da selección definitiva.
No seguinte cadro resúmese o número de prazas para cada posto e máis o perfil solicitado (xunto co código correspondente no que deberán inscribirse na oficina de emprego as persoas interesadas).
O Concello de Oia lembra que, para poder ser seleccionadas pola oficina de emprego, as persoas demandantes deberán estar inscritas no código correspondente ao perfil ao que queiran optar.
.jpeg)
Ningún comentario:
Publicar un comentario