TOMIÑO

A PLATAFORMA EN DEFENSA DA SANIDADE PÚBLICA DE TOMIÑO PÍDELLE AO SERGAS UN PLAN DE CONTINXENCIA 

Có incremento de persoal para dar cobertura as necesidades asistenciais e de sobrecarga actual

Plataforma en Defensa da Sanidade Pública de Tomiño

 A Plataforma en Defensa da Sanidade Pública de Tomiño, ante a situación existente na área sanitaria de Vigo e na comarca, de colapso da atención primaria pola sobrecarga asistencial derivada da Pandemia polo Covid - 19, quere manifestar que a Atención Primaria xa atravesaba unha profunda crise estrutural, con déficit de profesionais pola falta de adecuación dos cadros de persoal as necesidades poboacionais, a non renovación de xubilacións, baixas e vacacións, con demoras e masificación na asistencia, como consecuencia dos recortes nos orzamentos aplicados polos sucesivos gobernos do Partido Popular. Na actualidade, os orzamentos na Atención Primaria apenas supoñen o 12% do orzamento sanitario total, que volve a baixar un 2% nos actuais  presuposto presentados  polo PP no parlamento Galego. Evidentemente é  insuficiente e é urxente incrementalo.  

 Estas medidas para evitar a transmisión, están tendo consecuencias negativas na calidade da atención que reciben as e os cidadáns, entre elas o incremento das listas de espera e o atraso no diagnostico de patoloxías como as tumorais.  

 Queremos solidarizarnos cos traballadores sanitarios, co seu importante compromiso nos momentos críticos, e pedirlle que non decaian no seu traballo e atención non soi as patoloxía Covid e urxentes,  senón tamén as patoloxías crónicas. Os traballadores sanitarios, están sufrindo, políticas de persoal ausentes de incentivos para sentirse atraídos polo sistema público, que agotan, frustan e os condenan a emigrar ou a traballar na sanidade privada.    

 As  autoridades sanitarias do Sergas, pedímoslle un plan de continxencia XA!!, có incremento de persoal para dar cobertura as necesidades asistenciais e de sobrecarga actual. Para esto é preciso, contratar e acabar coa precariedade laboral do persoal implementando un “Plan de Mellora da Atención Primaria” que redimensione os equipos multidisciplinares para dar cobertura ás necesidades de saúde da poboación e dea estabilidade no traballo. As políticas de recortes  e descapitalización na Asistencia Sanitaria, realizada sibilinamente polo PP na Xunta de Galicia,  está levando o desmantelamento e  privatización da Sanidade  e mais na Atención Primaria. 

 A poboación pedímoslle unha defensa expresa da sanidade pública, porque é a única garantía de acceso a unha atención sanitaria de calidade e equidade da cidadanía.  Comprensión  cos traballadores da Atención Primaria que se atopan exhaustos e desprotexido pola Administración, así  como o cumprimento das normas sanitarias, de utilización das  máscaras e distancia de seguridade, evitando as aglomeracións, como forma de evitar o colapso do sistema sanitario.