A GUARDA

Campaña de redución de bolsas dun só uso

• Sábado 11 de decembro de 10:00 a 14:00h na Praza de Abastos e no Mercadillo da Alameda. 

Infogauda / A Guarda 

 O Concello de A Guarda pon en marcha unha campaña de sensibilización ambiental co obxectivo de reducir o consumo de bolsas dun só uso.  

  A actividade terá o vindeiro sábado día 11 de decembro e consistirá na implantación de 2 puntos informativos, un na Praza de Abastos e outro no Mercadillo da Alameda, en horario de 10:00 a 14:00h. 

 A posta en marcha deste proxecto contará co apoio do Consello Climático Xuvenil e do Grupo de Voluntariado Municipal.

Todas as persoas que participen na enquisa recibirán unha bolsa de tela como á da imaxe

 Para procurar que a cidadanía reflexione sobre a cantidade de bolsas de plástico dun só uso que se consumen, nos puntos informativos da Praza de Abastos e do Mercadillo da Alameda realizarase unha pequena enquisa sobre os hábitos da veciñanza e a cambio entregarase unha bolsa de tea co obxectivo de lograr un cambio cara a hábitos de consumo máis sostibles. Ademais, informarase dos prexuízos que causan os plásticos dun só uso no medio ambiente e na saúde das persoas e asesorarase sobre as alternativas existentes ao plástico no día a día.