EDUCACIÓN

A Xunta de Galicia concede os premios de ESO ao esforzo e á superación persoal de 20 estudantes  

Valoran a capacidade de superación do alumnado que cursa 4º de Secundaria fronte ás dificultades, ben sexan de tipo persoal, educativas ou de contorno familiar e sociocultural

Infogauda / Santiago de Compostela

 Un total de 20 estudantes de Educación Secundaria Obrigatoria (ESO) veñen de resultar galardoados cos premios da Xunta de Galicia ao esforzo e á superación persoal correspondentes ao curso 2020/21, tal e como publica o Diario Oficial de Galicia.

 Estes galardóns que cada ano convoca a Consellería de Cultura, Educación e Universidade, recoñecen a capacidade de superación destes alumnos que estudaron nese curso 4º de Secundaria e conseguiron superar as súas dificultades de tipo persoal, educativas ou do contorno familiar ou sociocultural, no marco dun ensino comprensivo e integrado. Para tal fin, a Consellería destina un total de 16.000 euros para estes premios a razón de 800 euros por cada un dos 20 galardóns que se conceden.

 Cómpre subliñar que o obxectivo final destes galardóns é que os premiados sexan un exemplo para compañeiros e compañeiras en situacións similares, poñendo en valor o especial esforzo que supón acadar o éxito na escola para os estudantes que proceden de contornos socioculturais desfavorecidos, de contornos familiares disfuncionais, en proceso de superación de enfermidades crónicas ou con discapacidades que condicionan o seu rendemento escolar, a súa relación persoal ou a súa inserción social.

Relación de centros con estudantes galardoados:

Provincia: A Coruña

A CORUÑA

IES Agra do Orzán

A LARACHA

IES Agra de Leborís

ARTEIXO

IES de Pastoriza

BOIRO

IES Plurilingüe A Cachada

CAMBRE

IES David Buján

CULLEREDO

IES Eduardo Blanco Amor

NEGREIRA

IES Xulián Magariños

SADA

IES Isaac Díaz Pardo

SAN SADURNIÑO

CPI de San Sadurniño

Provincia: Lugo

MONFORTE DE LEMOS

IES Río Cabe

VILALBA

IES Santiago Basanta Silva

Provincia: Ourense

O CARBALLIÑO

CPR Plurilingüe Sagrado Corazón

Provincia: Pontevedra

CALDAS DE REIS

CPI Plurilingüe Alfonso VII

MORAÑA

CPI Plurilingüe Santa Lucía

PONTEVEDRA

IES A Xunqueira I

SILLEDA

IES Plurilingüe Pintor Colmeiro

TOMIÑO

IES Antón Alonso Ríos

VIGO

IES Valadares (2 alumnos premiados)

VIGO

CPR Plurilingüe Escuelas Nieto