DEPORTES

ATLETISMO

Exhibición do atleta guardés Álex Sierpes Pereira 

No XVII Cros Internacional de Atapuerca (Burgos) 

Álex Sierpes Pereira, do club Sociedade Atlética do Trega, no máis alto do podio, recollendo seu trofeo en Atapuerca (Burgos)

Informa: Sociedade Atlética do Trega

 O domingo día 14 de novembro no pobo burgalés de Atapuerca, xustamente no Circuito del Centro de Arqueología Experimental - CAREX, deuse outra cita do Cross Country Tour 2021, que debuta con 8 probas na xeografía española. Onde, a categoría Gold intégrana 14 probas da cales oito son  crosses españois. España, a día de hoxe, é a gran potencia mundial do campo a través, con Atapuerca recoñecido por World  Athetics como o mellor entre todos eles, tanto a nivel nacional como internacional, acreditado como o mellor evento de cros mundial. 

 Tras o parón da edición 2020 por culpa do covid-19, este ano volvería con máis forza que nunca, con máis de 4.500 atletas. 

Álex Sierpes Pereira co su trofeo de vencedor na proba de 2000 m., categoría infantil masculino Sub-14

 Pero sen dúbida o noso atleta máis destacado foi Álex Sierpes Pereira, que na distancia de 2.000 metros, dominando a proba de principio a fin, "voando por Atapuerca" (nunca mellor dito, como figura no lema promocional desa localidade), entrando en liña de meta cun tempo de 6´ 24",  proclamouse indiscutiblemente coa vitoria na categoría infantil Sub-14. Dese xeito, Sierpes, suma con esta,  a súa terceira vitoria no circuíto dos crosses como (Atapuerca, Amorebieta e Soria) desta tempada, pero ademais, asinando  triplete de vitorias consecutivas en Atapuerca durante estes anos. 

Moi ben Felicidades Álex!