AUDIOVISUAL
VI Edición dos Premios CREA 2021
Margarita Ledo recoñecida co Premio de Honra
· A realizadora Beli Martínez, de A Guarda, recibiu a Mención especial á visibilidade do cinema galego no exterior
Infogauda / Santiago de Compostela
CREA (Asociación Galega de Profesionais da Dirección e a Realización) celebrou esta fin de semana a súa habitual xuntanza de asociadas, na que tivo tamén lugar a VI Edición dos Premios CREA 2021, un evento onde se recoñece non só a labor na dirección e na realización dos traballos audiovisuais realizados durante o último ano, senón que tamén se destaca a aquelas entidades ou persoas que loitaron tanto pola visibilidade do cinema galego no exterior como pola promoción da igualdade de xénero.
Fixéronse entrega dos seguintes galardóns:
• Premio de Honra – Margarita Ledo
• Mención especial á promoción da igualdade de xénero – Mulleres no Foco da Deputación de Pontevedra e CIMA
• Mención especial á visibilidade do cinema galego no exterior – Beli Martínez
• Mellor Dirección de Longametraxe de Ficción – Fon Cortizo, por 9 Fugas
• Mellor Dirección de Serie de Tv. – Jorge Coira, por Hierro T.2
• Mellor Dirección de Longametraxe Documental – Sonia Méndez, por A poeta analfabeta
• Mellor Dirección de Curtametraxe Documental – Xacio Baño, por Augas abisais
• Mellor Dirección de Curtametraxe de Ficción – Noemí Chantada. por Xoves de comadres
• Mellor Dirección de Obra Experimental – Juan Lesta, por 1,34943x10e4
• Mellor Dirección de Spot ou Campaña – Ex Aequo para Illa Bufarda (Adriana P. Villanueva, Sabela Iglesias e Pilar Abades), por Eu fico e Mergúllate, le en galego
• Mellor Dirección de Videoclip – Manu Viqueira, por Ratas de Soziedad Alkohólika
• Mellor Dirección de Web serie – Lucía Estévez, por Xan Serie
Ningún comentario:
Publicar un comentario