Festivos locais para o ano 2022 na Guarda
• Serán o sábado día 16 de xullo (festividade da Virxe do Carme) e o venres día 23 de setembro (festividade de Santa Trega).
Infogauda / A Guarda
A Corporación Municipal do Concello de A Guarda, en sesión plenaria ordinaria celebrada o pasado venres día 1 de outubro de 2021, aprobou os festivos locais para o ano 2022.
Tendo en conta a necesidade de remitir á Consellería de Traballo e de Benestar Social o acordo plenario de determinación de festivos locais, a Corporación Municipal, por maioría, decidiu manter as datas do 16 de xullo (festividade da Virxe do Carme) e do 23 de setembro (festividade de Santa Trega).
A proposta prosperou cos votos a favor dos grupos municipais PSdeG-PSOE, Partido Popular e Converxencia Galega; e coa abstención do Grupo Municipal do BNG.
Ningún comentario:
Publicar un comentario