O Concello de A Guarda conta cunha Ordenanza Xeral Reguladora das Subvencións Municipais por concorrencia competitiva
Entrará en vigor cando sexa publicada no Boletín Oficial da Provincia de Pontevedra
Infogauda / A Guarda
A Corporación Municipal do Concello de A Guarda aprobou a primeira Ordenanza Xeral Reguladora das Subvencións Municipais por concorrencia competitiva, respectando os principios de publicidade, libre concorrencia, igualdade para a realización de actividades e utilidade pública e de interese social, para a promoción e consecución de fins de interese público de competencia local e para axuda e promoción en determinados ámbitos de interese social e cultural ou deportivo, de acordo co que prevé o Plan Estratéxico de Subvencións do Concello de A Guarda.
Esta ordenanza foi consensuada por todos os grupos que conforman o plenario do concello guardés e acadou o apoio de toda a Corporación Municipal na aprobación inicial. Con posterioridade foi presentada unha alegación que supuña unha enmenda á totalidade da ordenanza e que foi rexeitada no Pleno do pasado 1 de outubro.
A ordenanza entrará en vigor en canto sexa publicada no Boletín Oficial da Provincia de Pontevedra (BOPPO) nun prazo aproximado de 15 días hábiles.
O alcalde de A Guarda, Antonio Lomba quere “destacar o compromiso do concello en seguir facendo esforzos por acercar a colaboración da institución municipal a aquelas entidades que desenvolven proxectos de interese social, deportivo ou cultural para a cidadanía guardesa. Non se pode entender a nosa localidade sen ter en conta todo o traballo que día a día desenvolven centos de veciños en proxectos comunitarios, que serven para darlle prestixio á nosa vila e posibilitan unha riqueza cultural e deportiva sen parangón. Moitas destas entidades teñen unha importancia estratéxica xa que son referentes nos seus ámbitos. No ámbito social é encomiable a labor desinteresada dos diferentes colectivos da localidade que procuran solucionar situacións de precariedade para moitos/as veciños/as”.
Ningún comentario:
Publicar un comentario