A Guarda gozou dun verán culturalmente activo e seguro
• Malia as restricións sanitarias, A Guarda adaptouse aos protocolos sanitarios para ofertar numerosas actividades culturais, turísticas e deportivas ao longo do verán.
O Concello de A Guarda ven de pechar a programación do verán 2021, caracterizada por unha programación realizada de acordo ás medidas sanitarias vixentes e con exhaustivos protocolos e medidas anti covid-19, que favoreceron a realización de actividades culturais con todas as garantías sanitarias.
"Dende o Concello de A Guarda se quere agradecer á poboación guardesa e visitantes o cumprimento destas medidas, así coma a alta participación nos diferentes eventos programados neste verán que ven de rematar, con actividades para toda a familia e todo os gustos, teatro, música, exposicións…", indican desde o goberno municipal.
Destacaron neste verán eventos coma A Guarda Diversa, Mar de Blues, Música nos xardíns, as visitas guiadas ao Monte Santa Trega, Teatro no Trega, Ioga ao aire libre, viaxes no volanteiro - embarcación tradicional - Piueiro, o II Encontro do Libro Luso Galaico da Ribeira do Minho, a Mostra Creativa do Baixo Miño, e concertos de importante calado con artistas coma Guadi Galego, Na Revolta, Klason, entre outros.
As xornadas de observación de estrelas e eventos deportivos coma o Torneo de Petanca, Campionato de Futvolei, caiac e de surf, tamén contaron cunha ampla participación.
A Biblioteca Pública Municipal de A Guarda organizou ao longo do verán varias actividades infantís e de animación a lectura, que congregaron un bo número de asistentes.
A falla de celebracións festivas con verbenas, que debido a pandemia non se pudieron celebrar, os pasacalles e espectáculos de animación na rúa puxeron as notas musicais en datas nas que en circunstancias de normalidade correspondería a celebración das Festas do Santísimo, Festas de San Antonio, Festa da Langosta, Festas do Carme, Festas de San Caetano, Festas do Monte Santa Trega, Festas da Guía,..., animando a vila con música e espectáculos coma a Batukada Bate no Cobre, O Séquito do Capitán Nemo, entre outras actividades complementarias.
As exposicións tamén marcaron este verán na Guarda coa Exfimiño 2021 organizada dende a Sociedade Filatélica e Numismática Guardesa e a exposición “Facedoras do Baixo Miño”, que encheu de vida e cor os baixos da Casa dos Alonso con fotografías para pór en valor o traballo da muller en diferentes ámbitos da vida cotiá e empresarial coma a hostalería, mariscadoras, redeiras, viveirismo, ..., entre outras actividades.
A danza e o baile tamén tiveron cabida co espectáculo O Fiadeiro e os Festivais de Baile Moderno e Folclórico de Xamaraina, que encheron de público o Auditorio de San Bieito, con aforo limitado e protocolos covid-19.
"Dende o Concello se quere agradecer unha vez máis o traballo dos diferentes departamentos e persoal municipal que colaboraron de xeito mutuo para a organización e desenrolo das actividades programadas: departamento de Cultura, Turismo, OMIX, Policía Local, GES, departamento de Servizos, así coma entidades, asociacións e comisións de festas da nosa vila, onde unha vez máis quedou de manifesto que a unión e o traballo conxunto da lugar a actividades de lecer e ocio para o desfrute de veciños e visitantes", refiren desde o goberno local.
Ningún comentario:
Publicar un comentario