TUI

As “Andainas Saudables” de Cruz Vermella no Baixo Miño  darán inicio o 24 de agosto

Esta actividade fomenta hábitos de vida saudable e mellora as  relacións sociais en persoas maiores e a súa contorna próxima. 

Infogauda / Tui

 Co obxectivo de fomentar o deporte e os hábitos saudables, este 24 de agosto,  Cruz Vermella Baixo Miño dará comezo á actividade “Andainas  saudables” na cidade de Tui. 

 Estas saídas terán lugar pola mañá e están enfocadas a persoas  maiores que, a través da práctica deportiva, poderán gozar da súa contorna natural á vez que melloran as súas relacións sociais na súa contorna  próxima e comunitaria. A actividade estará dirixida por voluntariado da  Cruz Vermella e financiado pola Xunta de Galicia. Ademais desta actividade, desde a entidade están a desenvolverse máis  talleres dirixidos a persoas maiores, como o de manexo de novas  tecnoloxías, os cales teñen como obxecto mellorar a calidade de vida deste  grupo de idade e favorecer un envellecemento activo e saudable. 

 Para participar nestas actividades é necesario inscribirse previamente na  Asemblea Comarcal do Baixo Miño, situada na rúa Agustin Nandín  Lomba, nº 1 baixo (A Guarda), ou no teléfono 986 614 609.