BALONMÁN
O Mecalia Atlético Guardés recibirá á Aula o sábado no primeiro test de pretemporada
A entrada é gratuíta e o aforo máximo do pavillón será do 50%
Pode recollerse a invitación o venres de 16:30 a 20:30 ou o propio sábado de 10:00 a 14:00
O encontro, que será ás 18:00, está enmarcado no programa das Festas do Monte Santa Trega
Infogauda / A Guarda
Tras dúas semanas de intensos adestramentos, a metade deles en dobre sesión, o Mecalia Atlético Guardés 2021/22 afrontará o seu primeiro partido de pretemporada contra o que tamén será o seu primeiro rival en Liga. A Aula de Valladolid visita A Sangriña este sábado (18:00) para medirse ao conxunto dun José Ignacio Prades que esta mesma semana incorpórase ao traballo despois da súa participación nos Xogos Olímpicos de Tokio como segundo de Carlos Viver na selección española.
O partido está enmarcado dentro do programa das Festas do Monte Santa Trega. A entrada é gratuíta e o pavillón da Sangriña estará limitado ao 50% de aforo por cuestións de seguridade sanitaria. Para poder presenciar o choque será necesario recoller unha invitación no pavillón. Para iso, habilitaranse dúas franxas horarias: a primeira, o venres de 16:30 a 20:30; e a segunda, o propio sábado, de 10:00 a 14:00. Por suposto, será obrigatorio o uso de máscara en todo momento, así como é pertinente gardar a distancia social recomendada na bancada.
Ningún comentario:
Publicar un comentario