DEPORTES

Éxito de participación no I Torneo de Petanca Concello de A Guarda

• O Parque deportivo do Codesal acolleu a primeira edición, realizada en colaboración co Clube O Caldeiro.  

O alcalde, a concelleira de Deportes do Concello de A Guarda, e un directivo do Club de Petanca O Caldeiro, no acto de entrega dos trofeos

O alcalde e a concelleira de Deportes con catros dos participantes premiados no I Torneo de Petanca Concello de A Guarda

O concelleiro de servizos - a esq. da imaxe - e a concelleira de deportes - a der. - con varios participantes premiados no torneo

A presidenta da Entidade Local Menor de Camposancos - a esq. da imxe - con tres participantes premiados no I Torneo de Petanca Concello de A Guarda

Fotos: C.A.G.

Infogauda / Camposancos (A Guarda)

 O pasado sábado día 21 de agosto de 2021 o Parque deportivo do Codesal acolleu a primeira edición do Torneo de Petanca Concello de A Guarda, un evento deportivo que tivo comezo ás 9:00h e que se estendeu ao longo do día e no que participaron un total de 32 equipos.  

 A entidade anfitrioa - Club de Petanca O Caldeiro -, creada no ano 2018 conta na actualidade cun total de 60 socios e 25 federados, empregando para os seus adestramentos as 16 pistas existentes na actualidade no Parque deportivo do Codesal.  

Vista das instalacións do Parque deportivo Codesal, en Camposancos (A Guarda)

 Tanto o alcalde de A Guarda, Antonio Lomba Baz, coma a concelleira de Deportes, Mª Montserrat Magallanes Álvarez, valoraron moi positivamente esta primeira edición dun evento que, sen dúbida, foi deseñado para consolidarse na vila ante o auxe da práctica da petanca no municipio, que conta arestora no Codesal cunhas instalacións que se están a mellorar continuamente e que xa contan cun total de 16 pistas, alumeado, aseos, etc.