OIA

Leticia Gallego interésase polo estado das depuradoras e o saneamento

· A deputada do Grupo Parlamentario dos Socialistas de Galicia, vén de visitar o termo municipal de Oia

Leticia Gallego - no centro - conversa cun veciño, en presenza dos concelleiros do Grupo Municipal do PSdeG-PSOE no Concello de Oia

Infogauda / Oia 

 A deputada do Grupo Parlamentarios dos Socialistas de Galicia, Leticia Gallego Sanromán, vén de visitar o termo municipal de Oia onde, ademais de interesarse pola atención sanitaria no Centro de Saúde, acompañou aos concelleiros socialistas por diferentes puntos da vila para coñecer de primeira man o estado das depuradoras e do saneamento. 

Pancarta recramando o cumplimento dos acordos plenarios no concello de Oia

 

 Desde o Grupo Municipal do PSdeG-PSOE no concello de Oia afirman: "As depuradoras existentes en Oia continúan a ocasionar problemas aos veciños e veciñas do municipio e, a pesares da aprobación en pleno extraordinario, o seu traslado non se chegou a facer efectivo de momento. 

 As depuradoras sitas en Mougás e Viladesuso continúan sen cumprir cos parámetros mínimos de depuración de augas residuais, vertendo á costa augas con moi pouca ou nula depuración."