28 de xul. de 2021

O ROSAL

O Rosal homenaxea aos irmáns Flores  

A Praza do Calvario acollerá un concerto na súa honra este domingo 1 de agosto, ás 21.00h. 

A entrada será de balde con reserva previa na web do Concello  




Infogauda / O Rosal

 A Praza do Calvario acollerá o próximo domingo un concerto homenaxe a dous músicos emblemáticos de O Rosal, José e Emilio Flores Costas, os irmáns Flores. O espectáculo comeza ás 21.00 horas con entrada balde ata completar aforo e a reserva de entradas está activa na web do Concello. 

 Xistra e convidados encargáranse de interpretar as creacións musicais dos irmán Flores, dúas persoas que interviñeron moi activamente na formación persoal de moitas e moitos veciños, algúns dos cales hoxe en día dedícanse profesionalmente á música. Participaron e crearon colectivos que abranguen calquera manifestación de música popular galega. Soamente cunha gaita divertiron e ensinaron a todo un pobo.  

 Este concerto é unha actividade máis para valorizar o legado dos irmáns. O pasado mes de xuño o Concello de O Rosal acolleu a presentación do libro “O Legado dos Irmáns Flores”, de Xerardo F. Santomé e Xosé Miguélez, grandes admiradores destes dous destacados rosaleiros. Neste traballo de 220 páxinas e acompañado dun CD hai partituras do repertorio dos Flores, entre as que destacan as compostas por José; diversas gravacións de audio e diferentes ligazóns a vídeos dos dous protagonistas cun alto valor documental e histórico. 

Ningún comentario:

Publicar un comentario