PONTEVEDRA

Eleccións á Xunta de Goberno do Colexio de Farmacéuticos de Pontevedra 

ALBA SOUTELO REELIXIDA PRESIDENTA  DO COLEXIO DE  FARMACÉÚTICOS DE PONTEVEDRA 

· A candidatura de Alba Soutelo obtivo un total de 369 votos fronte aos 243  da candidatura de José Vázquez, formada por membros das dúas  candidaturas que concorreron aos anteriores comicios 

Alba Soutelo reelixida como presidenta do Colexio de Farmacéuticos de Pontevedra

 Infogauda / Pontevedra

 A actual presidenta en funcións do Colexio de Farmacéuticos de Pontevedra, Alba Soutelo, foi reelixida para representar outros catro anos aos farmacéuticos de Pontevedra. 

 Os farmacéuticos pontevedreses revalidaron a xestión da actual Xunta de Goberno en funcións tras o proceso electoral convocado o 20 de abril a raíz do pronunciamento xudicial do Tribunal Superior de Xustiza de Galicia, que ordenou  repetir as eleccións.  

 Aínda que esa sentenza non é firme, ao ser recorrida ante o Tribunal Supremo  polo Consello Xeral de Colexios Oficiais de Farmacéuticos, a actual Xunta de Goberno en funcións decidiu adiantar a convocatoria electoral que se debía  celebrar a principios do ano próximo. 

 O proceso electoral culminou o domingo 6 de xuño co acto de votación celebrado  no domicilio social do Colexio e o posterior escrutinio, que se prolongou ata as 12 da noite. A candidatura de Alba Soutelo obtivo un total de 369 votos fronte aos  243 que obtivo a candidatura de José Vázquez, formada por membros das dúas candidaturas que concorreron aos anteriores comicios.