A Xunta de Galicia destina 320.000€ en axudas a 40 establecementos de hostalaría do sur da provincia de Pontevedra para acondicionar as terrazas e favorecer as vendas a domicilio
O delegado territorial, Luis López, informou destas achegas, orientadas a dar a máxima seguridade sanitaria e favorecer o impulso do sector, nunha visita realizada este mediodía ao restaurante Marusía de A Guarda
Estas subvencións están destinadas á instalacións de peches, compra de mobiliario, adaptación de espazos exteriores e adquisición de envases e o seu orzamento cuadriplicouse ata alcanzar os 11 millóns de euros en toda Galicia
O Goberno galego aprobou 13 axudas a locais de Tui, 7 no caso da Guarda e Tomiño, 5 en Ponteareas, 2 en Oia e tamén en Mondariz, Mondariz-Balneario, Salvaterra, A Cañiza, Covelo e Arbo
Infogauda / A Guarda
O delegado territorial da Xunta de Galicia en Pontevedra, Luis López Diéguez, vén de informar que o Goberno galego acaba de aprobar axudas por importe de 320.000 euros para 40 establecementos de hostalaría do sur da provincia, pertencentes ás bisbarras do Baixo Miño, O Condado e A Paradanta, para o acondicionamento de terrazas e o impulso das vendas a domicilio no marco das medidas paliativas para o sector fronte á crise sanitaria da covid-19.
O representante autonómico revelou as achegas nunha visita ao restaurante Marusía, no Concello de A Guarda, que é un dos beneficiarios desta orde de axudas, coa que se pretende dotar da máxima seguridade á hostalaría, xa que a mesma está orientada á instalación, reforma e pechamento de terrazas, compra de mobiliario, adaptación de espazos exteriores e adquisición de elementos de envasado para o servizo a domicilio.
A distribución de achegas nas bisbarras do sur da provincia é a seguinte:
|
Concello |
Nº Beneficiarios |
Investimentos |
Axudas da Xunta |
|
Tui |
13 |
87.032€ |
69.627€ |
|
Tomiño |
7 |
100.597€ |
80.477€ |
|
A Guarda |
7 |
62.131€ |
49.704€ |
|
Oia |
2 |
8.500€ |
6.800€ |
|
Ponteareas |
5 |
25.905€ |
20.724€ |
|
Salvaterra |
1 |
13.391€ |
10.712€ |
|
Mondariz |
1 |
16.287€ |
13.030€ |
|
Mondariz-Balneario |
1 |
24.750€ |
19.800€ |
|
A Cañiza |
1 |
24.237€ |
19.390€ |
|
Covelo |
1 |
23.695€ |
18.956€ |
|
Arbo |
1 |
14.000€ |
11.200€ |
|
TOTAL |
40 |
400.525€ |
320.419€ |
Deste xeito, a Xunta, a través da Vicepresidencia segunda e Consellería de Economía, Empresa e Innovación, impulsou esta liña, que incluía apoios de ata o 80% do investimento a realizar, cifrados entre os 1.500 e os 25.000 euros, para pemes e autónomos con ata 50 traballadores.
“Esta medida, de gran importancia xa que axuda á conferir seguridade sanitaria aos establecementos e a impulsar as súas vendas, tanto no local como a domicilio, nun momento especialmente complicado pola covid-19, espertou un gran interese e moita demanda por parte do sector da hostalaría, o que demostra que as liñas da Xunta están indo en consonancia coas necesidades desta actividade económica”, explicou Luis López, que revelou que inicialmente orzamentouse unha partida de 3 millons de euros para estas achegas pero, ante a elevada cifra de solicitudes, tivo que cuadriplicar o seu crédito ata alcanzar os 11 millóns.
Ningún comentario:
Publicar un comentario