DEPORTES

VELA

Deportistas do Club Alagua participaron na Copa de España de Vaurien  

Maruxa Sío, do Club Alagua, que competiu xunto coa catalana Anna Solé Dolcet, por Vertigo Sailing, rematando coma subcampioas da Copa de España da categoría feminina

               Momentos previos á saída dunha das regatas da Copa de España de Vaurien - Fotos: Brais Acevedo

Infogauda / A Guarda

 Do 1 ao 4 de abril celebrouse en augas de As Pontes, a Copa de España de Vaurien, onde participou unha tripulación mixta conformada por Ignacio Campos e Yolanda Bastos, do Club Deportivo Alagua de A Guarda.  

 Aínda que na regata do venres acadaron un 1º posto na clasificación provisional, as duras condicións meteorolóxicas que houbo nos seguintes días, fixeron caer á tripulación do club guardés ata o 4º posto, quedándose ás portas do pódium.  

                  A guardesa Maruxa Sío e a catalana Anna Solé Dolce, subcampioas da Copa de España féminas

 Na Copa de España tamén participou Maruxa Sío, deportista do Club Alagua, que competiu xunto coa catalana Anna Solé Dolcet, por Vertigo Sailing, rematando coma subcampioas da Copa de España da categoría feminina.  

 Dende o Club Alagua destacaron: “queremos felicitar especialmente a estes navegantes, e animar aos deportistas a retomar os adestramentos e as competicións despois do parón que obrigou a cancelar e pospor infinidade de eventos.”   

 O concello de A guarda fai extensiva esta felicitación aos deportistas locais do Clube Alagua, destacando a práctica deportiva con todas as medidas de seguridade e agardando que, pouco a pouco, podan ir retomando a intensa actividade que tiñan antes do inicio da pandemia da covid-19.