A GUARDA

A unidade móbil de doazóns de sangue visitará novamente á nosa vila

O xoves día 25 de marzo,  en horario de 10:00 a 14:00h e de 16:30 a 21:00h

 

A unidade móbil do Centro de Transfusión de Galicia na súa ubicación habitual na vila de A Guarda - Foto: C.A.G.

 

Infogauda / A Guarda

 A unidade móbil do Centro de Transfusión de Galicia visitará novamente A Guarda.  Estará emprazada na rúa Rosalía de Castro (fronte o Centro Cultural), o xoves 25 de marzo en horario de 10:00 a 14:00h e de 16:30 a 21:00h. 

 A Axencia Galega de Sangue, Órganos e Tecidos (ADOS) subministra compoñentes sanguíneos a todos os hospitais de Galicia. Cada día, as doazóns de sangue recollidas nos locais de doazón e nas 10 unidades móbiles que percorren os concellos galegos envíanse ás dependencias de ADOS para o seu procesamento, análise e distribución. 

 Cada día os hospitais galegos precisan entre 400 e 500 doazóns de sangue para manter a súa actividade cirúrxica, e a colaboración dos doantes é fundamental. 

 Para maior seguridade, cada doante debe pedir súa cita previa para doar chamando ao teléfono gratuíto 900 100 828. 

•    Para doar sangue hai que almorzar, e despois de xantar esperar 2 horas.

•    Non esqueza levar a tarxeta de doazón, DNI ou documento similar.

•    Informe ao médico se está a tomar algún medicamento .