Asociacións de A Guarda recibiron formación sobre liderazgo
O concello vai poñer en marcha unha campaña para a creación do Banco de Voluntariado municipal
A sesión formativa tivo lugar o pasado sábado no salón de actos do Centro Cultural
Infogauda / A Guarda
O Equipo de Goberno Municipal vén de informar que o pasado sábado, o salón de actos do Centro Cultural de A Guarda acolleu unha xornada de formación adicada especialmente aos colectivos e asociacións existentes no municipio.
Esta xornada de formación, que se estendeu dende ás 10:00 ata ás 14:30h, estivo guiada por Susana Rodríguez, psicóloga social, que desenvolveu ferramentas para traballar e desenvolver un liderazgo participativo, positivo, dinámico e comunitario, estratexias esenciais para acadar os obxectivos que perseguen día a día estas asociacións.
A sesión formativa tamén serviu para dar a coñecer ás asociacións de A Guarda o recentemente aprobado Regulamento do Rexistro Municipal de Asociacións e que ten coma finalidade establecer o marco xurídico regulador, como instrumento que permita recoller documentalmente a realidade do tecido asociativo e de participación colectiva, dentro do ámbito territorial do Concello de A Guarda.
Na sesión adiantouse tamén a campaña do concello para a posta en marcha do Banco de Voluntariado municipal, que pretende ser un recurso que teñan en conta as asociacións e colectivos municipais.
Ningún comentario:
Publicar un comentario