A GUARDA

Rafael Álvarez Martínez, tomou posesión coma concelleiro da Corporación Municipal de A Guarda

En substitución de Mª Elena Baz Rodríguez

 

Rafael Álvarez Martínez, novo concelleiro do Grupo Municipal do PSdeG-PSOE no Concello de A Guarda

 

Infogauda / A Guarda

 O Equipo de Goberno Municipal do Concello de A Guarda vén de comunicar que "no pleno extraordinario urxente celebrado na xornada deste xoves día 5 de novembro de 2020 tomou posesión coma concelleiro da corporación municipal Rafa Álvarez, incorporándose ao Grupo Municipal Socialista e ao equipo de goberno municipal.  

 Dende hoxe forma parte da corporación municipal coma novo concelleiro nas competencias de Turismo, Conservatorio de Música, Festas e Festexos populares, en substitución de Elena Baz, despois da renuncia á súa acta de concelleira por motivos persoais a principios do mes de setembro do presente ano. 

 

A imaxe corresponde ao momento en que no día de onte, Rafael Álvarez Martínez, tomaba posesión do seu cárrego como concelleiro da Corporación Municipal de A Guarda
 

 Este cargo é asumido deste xeito por Rafa Álvarez Martínez, que ocupaba o sexto lugar na lista que presentou o PsdeG-PSOE nas pasadas eleccións.  

 Rafa Álvarez é unha persoa moi vinculada e comprometida coa vila da Guarda, destacando a súa etapa coma presidente da Entidade Local Menor de Camposancos ou a xerencia da Asociación Avelaíña, dentro dunha longa traxectoria e predisposición ao servizo público".