TOMIÑO

No Alivio como na casa con AcevedosDelgados 

O grupo tomiñés ofrecerá este venres 11 de setembro, ás 22.30 horas, un concerto na Praza do Seixo. Reserva de entradas no 986 622 001 ou en cultura@tomino.gal  

Imaxe promocional de AcevedoDelgados

Foto: C.T.

Infogauda / Tomiño

 A programación especial do Alivio continúa este venres día 11 de setembro, a partir das 22.30 horas na Praza do Seixo, con moita música. Será a de AcevedosDelgados, un grupo tomiñés que se subirá ao escenario para ‘contar’ cancións que os marcaron de algunha forma e tocar temas propios cos que sorprender e facer desfrutar ao público.  

 A marabillosa voz de Davinia estará acompañada pola harmónica guitarra de Tito, con algunha sorpresa con forma de invitado: José García López na percusión. Historias propias, impropias e alleas coas que namorarán ao público. 

 O concerto celebrarase con todos os protocolos de prevención para garantir a seguridade de todas as persoas asistentes. Será de balde con reserva de entrada previa chamando ao 986 622 001 ou enviando un correo electrónico a cultura@tomino.gal.