A GUARDA

O Concello de A Guarda reduce nun 50% as taxas de apertura de estabelecementos

a proposta do BNG  

Anxo Lois Baz Vicente, portavoz municipal do BNG no concello guardés: “Esta medida forma parte dun paquete de medidas impulsadas desde o BNG para a reactivación económica e social da localidade”.

Anxo Lois Baz Vicente, portavoz do Grupo Municipal do Bloque Nacionalista Galego, no Concello de A Guarda

Infogauda / A Guarda

 “Co fin de facilitar a posta en funcionamento de novas actividades económicas que contribúan á creación de postos de traballo e a xeración de riqueza no concello da Guarda aprobouse, a instancias do BNG, a redución do 50% da taxa de apertura de estabelecementos”, dixo a Infogauda, Anxo Lois Baz Vicente, portavoz do Grupo Municipal do Bloque Nacionalista Galego, no Concello de A Guarda. 

 Esta medida  entrará en vigor despois da súa publicación no Boletin Oficial da Provincia e, segundo lembrou Anxo Lois Baz, “forma parte dun paquete de medidas impulsadas desde o BNG para a reactivación económica e social da localidade”. 

 O portavoz municipal do BNG, Anxo Lois Baz, considera importante esta medida e agarda “que non tarden en aplicarse outras xa aprobadas coma a bonificación das taxas do lixo para aqueles estabelecementos que estiveron pechados durante a pandemia ou para as familias cunha renda per capita inferior ao IPREM (537,48 € mensuais)”. 

 Anxo Lois Baz concluiu: “O BNG seguirá traballando en positivo para acadar acordos o máis amplos posíbeis para sacar adiante medidas que favorezan a veciñanza da Guarda”.