O Concello do Rosal conta cun novo camión de recollida de lixo
· O vehículo, subvencionado ao abeiro do Plan Concellos 2019, substituirá ao actual e contribuirá á mellora deste servizo municipal
A
alcaldesa do Rosal, Ánxela Fernández, recolleu este martes as chaves do
camión de mans do representante da empresa adxudicataria
Foto: C.O.R.
Infogauda / O Rosal
O Concello do Rosal conta desde hoxe mesmo cun novo camión de recollida de lixo que contribuirá á mellora do servizo municipal. O vehículo, subvencionado ao abeiro do Plan Concellos 2019 da Deputación de Pontevedra, trátase dun Volvo FL 250 HP 42 ríxido con caixa recolectora-compactadora de residuos sólidos urbanos modelo HIDRO-V de 11 m3 de capacidade e con tolva.
O novo camión substituirá ao actual vehículo de recollida que se estaba empregando no Concello e que despois de moitos anos en activo presentaba importantes deficiencias e necesidades de mellora para a correcta recollida da porción de restos dos residuos sólidos urbanos, a parte do servizo que está municipalizada.
A alcaldesa do Rosal, Ánxela Fernández, recolleu este martes as chaves do camión de mans do representante da empresa adxudicataria, Vehículos, Equipamientos y Carrocerías Prieto-Puga, S.L. O prezo do contrato polo vehículo ascende a arredor de 141.000 euros.
Con este novo camión na flota de vehículos municipal o Concello do Rosal segue traballando para mellorar os servizos municipais e a calidade de vida dos veciños e veciñas.
Ningún comentario:
Publicar un comentario