PONTEVEDRA

Presentación do libro Memorias de un Republicano Pontevedrés 

O venres 26 de xuño ás 20:00 horas, no Museo de Pontevedra, na área de cristal do Sexto Edificio

Infogauda / Pontevedra

 O venres 26 de xuño ás 20:00 horas, preséntase no Museo de Pontevedra, na área de cristal do Sexto Edificio, o libro Memorias de un Republicano Pontevedrés, do que é autor Guillermo García de la Riega Bellver.

 No acto intervirán:  Xosé Álvarez Castro, profesor de Historia xubilado; María del Carmen Filomena Larriba García, catedrática de Historia de instituto, secretaria xeral da agrupación PSdeG-PSOE de Pontevedra, subdelegada do Goberno en Pontevedra e sobriña de Celso García de la Riega Álvarez e Guillermo García de la Riega Bellver, licenciado en Bioloxía e autor da novela.

   O autor introdúcenos na biografía do seu pai Celso García de la Riega Álvarez —comisario político, comandante do exército republicano e histórico militante do PSOE— a través dun relato novelado, no que combina a narración literaria coa documentación, mesmo coa reprodución literal de textos historiográficos, que achegan veracidade e recrean o contexto no que os feitos se produciron. Ese mesmo xogo aparece no tratamento dos personaxes, algúns cos seus nomes e outros con nomes supostos, pero todos reais.  

 A obra articúlase en dous grandes bloques: o tempo da guerra e a posterior loita pola vida dun vencido na Pontevedra do medo e do silencio.