A GUARDA

A Piscina Municipal preparada para súa reapertura

· Desde o luns día 8 de xuño

De esq. a der.: Mª Montserrat Magallanes Álvarez, concelleira de Deportes; Antonio Lomba Baz, alcalde de A Guarda, e Miguel Ángel Español Otero, concelleiro de Vías e Obras, supervisaron in situ as instalacións da piscina municipal de A Guarda 

Fotos: C.A.G.

 

Infogauda / A Guarda

 "Tralo peche temporal do centro deportivo a mediados do mes de marzo, informamos da reapertura das instalacións da Piscina Municipal da Guarda, durante este tempo adecuouse para mellorar e garantir así a seguridade de usuarios e traballadores". Así comeza o comunicado que o Goberno Municipal do Concello guardés vén de facer público este venres día 5 de xuño.

 Preparada para súa reapertura desde o vindeiro luns día 8 de xuño, o executivo municipal que preside o alcalde Antonio Lomba Baz indica: "Aplicáronse tódolos protocolos de desinfección e limpeza  ante o Covid-19 cumprindo coa normativa sanitaria establecida.  Os protocolos de actuación para traballadores e usuarios son moi sinxelos pero precisan da responsabilidade individual e do respecto ás normas marcadas. 

Vista parcial do ximnasio da piscina municipal de A Guarda

 Determínase o uso obrigatorio de máscaras nas zonas de paso común (entrada, pasillos, etc..). Fixéronse cambios no centro para respectar a distancia mínima de 2 metros  no ximnasio, vestiarios, duchas e  piscina, e, desta maneira, poder adestrar sen máscaras. A disposición de todos hai produtos desinfectantes e xel hidroalcohólico, así coma un incremento das horas de limpeza en horario de apertura e peche da instalación. Non será preciso reservar cita previa. 

Vista parcial da piscina municipal de A Guarda

 O Concello de A Guarda fíxose cargo do reforzo das estruturas de aire da cuberta da piscina e o pintado do recinto do vaso.   

 Tódolos aboados recuperarán o servizo pagado e non desfrutado do mes de marzo durante o mes de xuño.  

 Damos por finalizado o curso da escola de natación de nenos e adultos, quedando reservada  a praza no mesmo horario para a recuperación durante o novo curso 2020-2021. Agradecer a colaboración e a comprensión de todos para levar a cabo os novos protocolos. A práctica de actividade física é unha das recomendacións principais fronte esta pandemia".