TORROÑA (OIA)

Oia acollerá en decembro un obradoiro interxeracional de bailes e cancións   

A actividade está aberta a persoas adultas e menores a partir dos 6 anos  

Infogauda / Torroña (Oia)

 Oia acollerá o próximo mes de decembro un obradoiro interxeracional de bailes e cancións, que se desenvolverá en Torroña no marco do programa Tecendo Lazos da Deputación de Pontevedra.  

 A actividade celebrarase baixo o título “Bailes e cancións de agora e de sempre” e vai dirixida a persoas adultas e menores a partir dos 6 anos. As sesións terán lugar os días 23, 26, 27 e 30 de decembro nas Escolas de Torroña, en horario de 10:00 a 14:00 horas.   

 As persoas interesadas en participar neste obradoiro poden inscribirse no Concello de Oia (986 36 21 25) ata o 13 de decembro.