GOIÁN (TOMIÑO)

A PELÍCULA FRANCESA SAUVAGE NO CINECLUB POLEIRO DE GOIÁN 

O xoves, 7 de outubro ás 21:30 horas, no auditorio de Goián  

Rita Alonso Pérez / Goián

 O xoves, 7 de outubro ás 21:30 horas, no auditorio de Goián, o Cineclub Poleiro proxecta a película francesa SAUVAGE, unha historia ao redor da prostitución e a homosexualidade dirixida por Camile Vidal-Naquet.          

 Sinopse: Leo ten 22 anos e vende o seu corpo por diñeiro. Os homes van e veñen e él busca o afecto onde poda atopalo.  

 Crítica: “Visceral, durísimo e finalmente commovedor paseo ao lado dun chapeiro (...) Unha lección maxistral sobre como tratar un tema conflictivo evitando caer en mitificacións, maniqueismos e paternalismos”. Jordi Costa, El País.  

 Premios César: Nominada á mellor ópera prima.            

 O xoves 12 de decembro chega un thriller sueco EL CAIRO CONFIDENCIAL, con guión e dirección de Tarik Saleh. Premiada coa Espiga de Ouro na Seminci de Valladolid e mellor Película Internacional en Sundance (2017).            

 Sinopse: Un detective corrupto, cun futuro brillante no corpo de policía, antepón o facerse  rico ao seu traballo. Debe investigar a aparición do cadáver dunha muller nun hotel. dunha muller. Vai avanzando na identificación, nas conexións e ao tempo vai descubríndose a si mesmo.  

 O xoves 9 de xaneiro, cine fantástico, LAZZARO FELIZ, da directora italiana Alice Rohwacher, premiada ao Mellor Guión en Cannes e o Premio Especial do Xurado en Sitges (2018).             

 Sinopse: Lazzaro, un campesino de excepcional bondade vive nunha aldea lonxe do mundo controlada pola marquesa Alfonsina de Luna. Alí os campesinos son explotados e abusan da súa bondade. Un día coñece ao fillo da marquesa e comenza unha amistade que leva a Lazzaro á través do tempo a coñecer o mundo moderno. 

 O bono para as tres películas que quedan custa 10 euros.    

 O Cineclub Poleiro recibe financiamento da Federación de Cineclubes de Galicia e conta coa colaboración do Concello de Tomiño