O ROSAL

A VECIÑANZA CONTA 

A ALCALDESA REUNIUSE CON REPRESENTANTES DA ASOCIACIÓN ESPAÑOLA CONTRA O CANCRO (AECC) BAIXO MIÑO

De esq. a der.: A alcaldesa do Rosal, Ánxela Fernández Callís; o presidente da Asociación Española contra o Cancro (AECC) Baixo Miño, Carlos Rodriguez Vicente, e coa secretaria Pilar Barbosa Melo
Foto: C.O.R.
 

 Infogauda / O Rosal

 A alcaldesa do Rosal, Ánxela Fernández Callís mantivo este mércores día 9 de outubro unha reunión co presidente da Asociación Española contra o Cancro (AECC) Baixo Miño, Carlos Rodriguez Vicente, e coa secretaria Pilar Barbosa Melo. 

 Esta asociación, cunha gran traxectoria no coidado e atención a persoas oncolóxicas, desenrola a súa actividade en todo o territorio nacional por medio das súas xuntas provinciais. Neste caso concreto ten un ámbito comarcal, traballando coa poboación de todos os concellos do Baixo Miño. 

 A súa labor máis recoñecida é loita contra o cancro dende tódalas perspectivas coñecidas: prevención, axuda psicosocial integral a enfermos e familiares, información e sensibilización coa enfermidade, e coidados paliativos. 

 Como explicaron os membros da Asociación Española contra o Cancro - Baixo Miño, que teñen atención ao público no Centro Social Polivalente do Rosal todos os mércores de 10:00 a 12:00 h.; a AECC ten a disposición de todos aqueles enfermos de cancro e as súas familias, un servicio gratuito de orientación médica telefonica. 

 "A intención deste equipo de goberno é - dixo á alcaldesa Anxela Fernández - favorecer o traballo das asociacións e colaborar no desenvolvemento de accións conxuntas. Para isto é fundamental por a vista nos próximos orzamentos para o ano 2020, no que se teñan en conta as súas demandas, así como as nosas posibilidades".